ياريت الشباب تجاوب.......!!!!

ا

هلا بأجدع شباب فى احلى منتدى
دي اول مشاركة ليا وهى استفسارات او اسئله احب اعرف اجابتها من الشباب
بس ياريت الاجابات تكون بكل صراحة....

اولا : ليه الشاب لما يعجب ببنت ويبدأ يبين لها مشاعره وفى اول حبهم يفضل يكلمها طول اليوم ويسأل عليها ورنات ومسدجات والكلام ده وبعد فتره ولما يتأكد انها بتحبه يبدأ يكبر دماغه منها ولا يسأل عليها ولما تسألوا يقولها سوري ياحبيبتي بس كنت مشغول ع الاخر

يعني انت دلوقتى مشغول ع الاخر وفى الاول كنت فاضي ان انت تكلمها كل 10 دقايق
هل ده تقل ولا زهق ولا تسليه ولا ايه بالظبط......؟؟؟؟؟

ثانيا : لما البنت تسأل حبتنى انا ليه ؟؟؟ يقولها حسيتك مختلفة عن باقي البنات
ودي جملة تقريبا معظم الشباب حفظينها وبيسمعوها ....ياريت نغيرها...!!

ثالثا : حبيبتي انا اول ماعرفتك وحبيتك وانا قطعت علاقتى بكل البنات انتى كمان لو ليكى زملاء شباب من النهارده مالكيش كلام معاهم

وهو عارف بنات البلد كلها .... طيب ماتعرفها انك عارف بنات بس هي حاجة تانية عنده غيرهم كلهم على الاقل يبقى في ثقة بينكم .....بس التفكير بقى....!!!!!

وبعد مايقضي معاها وقت ويحس انه محتاج يغير يبعد عنها ويسيبها ولما تتصل تسألوا يقولها انا آسف كان نفسي نكمل بس ظروفى ومش عايز اظلمك معايا
ياريت تنسيني وربنا يكرمك بابن الحلال....وعادي يبدأ يشوف غيرها

سوري لو طولت عليكوا بس ياريت حد يفهمنى ايه اللى بيحصل لان حاسه ان مافيش حب بجد الايام دي وكله مجرد تسليه وتقضية وقت

مستنيه ردودكم.......

اكيد يا ميمي قليل اوي اما تلاقي حب بجد وخصوصا الايام دي

كله عايز تسلية يومين وخلاص واكيد دي الاغلبية واوقات البنت بتحب بجد جدا وفعلا بتتجرح في الاخر

طيب ممكن الشباب يقولولا للبنت احنا عايزين مجرد تسلية يومين وخلاص واكيد البت مش حتعلق نفسها بيه لان مفيش اي بنت حتقبل علي نفسها تمشي مع اي حد مجرد يومين علي سبيل التسلية
وده راي

مرسي يا ميمي علي الموضوع

تقبلي مروري وتحياتي
نوران

موضوع تحفه لا اكتر بجد اكتر موضوع عجبنى وليا عوده للرد بكل صراحه شكرا بجد

ميرسي يانور على ردك وطبعا عندك حق فى كل حاجة

ربنا يستر ويبعد عننا كل شر

نورتى ياقمر.....

ميرسي يااسلام على ذوقك وردك

واتمنى بجد ان انا اعرف ردك قريب

نورت...

على فكرة يامريم
دلوقتى فى شاب ممكن يحب والبنت متحبوش وبتبقى بتتسالى بيه
انا بجد نفسى احب بس كل ما احاول افشل واحاول احب تانى مبعرفش علشان مفيش حب حقييقى وكلهم بيتسالوا
ياريت ترسالى ردى انا احمد من اسكندرية ممكن نكون اصدقاء